Үҥкүү тыйаатыра 41-с театральнай дььылын үлэтэ саҕаланна!

Үҥкүү тыйаатыра 41-с театральнай дььылын үлэтэ саҕаланна!

Үҥкүү тыйаатырыгар 2020 сыл ураты сыл. Быйыл саха норуотун култуурата сайдыытыгар ураты кылаатын киллэрбит, саха сценическай үҥкүүтүн төрүттээбит, олоҥхоһут, оһуокайдьыт  С. А. Зверев-Кыыл Уола төрөөбүтэ 120 сыла. Онон, ытык киһибит аатын үйэтитиигэ анаан араас хайысхалаах үлэ ыытыллар.

Тыйаатыр үлэһиттэрэ балаҕан ыйын 3 күнүттэн бука бары үлэлэригэр тахсан үлэлии – хамсыы сылдьаллар. Тыйаатыр артыыстара быйылгы 41-с театральнай айымньылаах үлэлэрин балаҕан ыйын 27 күнүгэр “Тапталлаах Сахам сирэ!” концертнай программанан арыйаары бэлэмнэнэллэр. Биллэн турар,  Роспотребнадзор ковидтан сэрэхтээх буолууга бары ирдэбилин тутуһан үлэни ыытабыт, былаанныыбыт.

View this post on Instagram

Артисты балета после долгого периода ограничений и отпуска приступили к репетициям. Сегодня впервые собрался полным составом в две смены. Репетиция прошла в балетном зале с соблюдением социальной дистанции. Учтены все противоэпидемиологические требования, разработанные специалистами Роспотребнадзора. #первыйрабочийдень #артистыбалета #репетиция #постановочныеработы #театртанца #искусство

A post shared by НАЦИОНАЛЬНЫЙ ТЕАТР ТАНЦА РС(Я) (@dancesakha) on

Уһун хааччахтаах кэмҥэ артыыстар күүтүүлээх көрөөччүлэрин кытта көрсүһүүнү олус кэтэһэллэр. Культура, искусство үлэһиттэрэ кулун тутар ыйтан онлайн үлэлээн кэллилэр. Бу биллэн турар, тута көрөөччү иннигэр үлэлииртэн  ураты, уустук уһун кэми аастыбыт. Ол да буоллар, тыйаатырбыт үлэтин тохтоппокко араас хайысхалаах айымньылаах үлэни ыытан кэллэ. 

Бэс ыйыгар С. А. Зверев – Кыыл Уола 120 сылыгар анаан  кини өлбөт сүппэт үтүө аатын үйэтитиигэ анаан дьиэттэн олорон үлэ кэмигэр “Тэлгэһэ оһуокайа” диэн куйаар ситимин нөҥүө (онлайн) республиканскай оһуокай күрэҕэ ыыттыбыт. Бу күрэҕи ыытарга санаа сахпыт киһиннэн СӨ наруодунай артыыһа Афанасий Афанасьев буолар. Тэрээһин үлэтин барытын Үҥкүүбүт тыйаатырын үлэһиттэрэ олоххо  киллэрдилэр.

Түгэнинэн туһанан, бу уустук кэмҥэ суһаллык рекламнай, печатнай үлэҕэ көмө буолбут “АЙАР КУТ» медиа бөлөх салайааччытыгар Егор Ивановка тыйаатыр кэлэктиибин аатыттан махталбытын биллэрэбит. Күрэххэ 12 сааһыттан 93 сааһыгар диэри саастаах дьон, уонча улуустан үҥкүү тылын этээччилиин, кынаттарыныын 200-тэн тахса киһи кытыннылар. Уонна хааччахтаах кэмҥэ маннык хайысхалаах үлэ саамай сөпкө толкуйдаммытын, аныгы да сылларга хатыланара наадалааҕын ыйдылар.

Бэл, уоппускаҕа олорор кэммитигэр от ыйын 15-18 күннэригэр Болгарияҕа ХХIV-с төгүлүн ыытыллыбыт ВИТОША аан дойдутааҕы фольклорнай фестивальга артыыстарбыт Альберт Никитин, Саина Винокурова кыттаннар фестиваль Бэрэссэдээтэлин, муниципалитет баһылыга Теодор Титков анал бирииһигэр тигистилэр. Бу күннэргэ балет артыыһа Альберт Никитин Культура министерствотын улахан тургутуутун ааһан «Таврида-АРТ” фестивальга Симферопольга ситиһиилээхтик кытта сылдьар. Манна Россия араас муннуктарыттан 2000  саҥа көрүүлээх, айар куттаах дьон биир площадкаҕа мустан сонун хайысхаларга үлэлэһэн, уопут ылан кэлэллэригэр кыах биэрбит культурабыт министерствотыгар үбүлээн ыыппыттарыгар махталбытын биллэрэбит.

Биһиги тыйаатырбыт артыыстарын республика бары муннуктарыгар күүтэллэр. Ол курдук, балаҕан ыйын 12-14 күннэригэр балет артыыстара кырдьаҕас Өлүөхүмэ куората төрүттэммитэ 385 сылыгар уонна Өлүөхүмэ улууһа 90 сылыгар анаан ыытыллар тэрээһиннэргэ ыҥырыллан кыттыыны ыла бараары бэлэмнэнэллэр.

View this post on Instagram

с 12 по 14 сентября артисты балета примут участие в юбилейных мероприятиях, посвященных к 385-летию города Олекминск и 90-летию муниципального района «Олекминский район» Республики Саха (Якутия). Сегодня прошел генеральный прогон концертных номеров. Выезд завтра – 9 сентября. #артистыбалетаНТТ #385летгородуОлекминску #90летОлекминскомурайону #хореографическоеискусство #большойпраздничныйконцерт #танецпрофессия #искусствотанца

A post shared by НАЦИОНАЛЬНЫЙ ТЕАТР ТАНЦА РС(Я) (@dancesakha) on

Аны, балаҕан ыйын 22-23 күннэригэр Сунтаар улууһа ыҥырыытынан С. А. Зверев аатынан  улуустааҕы норуот айымньытын киинэ арыллыытыгар аналлаах Улахан кэнсиэркэ кытта, С. Зверев матырыйаалыгар олоҕуран туруоруллубут В. Зырянов муусукатыгар “Оһуор Туос” испэктээкили көрдөрө, мастер – класс ыыта балет артыыстара, «Кыл Саха»бөлөҕө бэлэмнэнэ сылдьаллар. 

View this post on Instagram

Оркестр национальных инструментов после долгого карантина под руководством маэстро Николая Петрова приступил к репетициям. Сегодня малым составом прошла репетиция 1 и 2 картин музыкально-хореографического спектакля «Хара саһыл», приуроченного к 120-летию со дня рождения Сергея Зверева-Кыыл Уола. Премьера состоится 10 декабря текущего года. Учтены все противоэпидемиологические требования, разработанные специалистами Роспотребнадзора. #Национальныйтеатртанца #оркестрнациональныхинструментов #постановочнаяработа #репетицияспектакляХарасаһыл #музыкаНиколаяМихеева #искусство

A post shared by НАЦИОНАЛЬНЫЙ ТЕАТР ТАНЦА РС(Я) (@dancesakha) on


Тыйаатырбыт ааспыт сылга Эстрада тыйаатырыгар көһөн кэлэн үлэлии  олорор. Үлэлииргэ усулуобуйа барыта баар. Быйыл ититии эрдэ холбонон үлэ тигинэччи бара турар. Онон, Эстрада тыйаатырын директорыгар Татьяна Николаевна Чаранскаяҕа махтанабыт. 

Бу үлэ дьылыгар тыйаатыр сыанатыгар С.А.Зверев  120 сылыгар анаан «Хара саһыл» саҥа испэктээкил ахсынньы ыйга көрөөччүгэ тахсара былааннанар. Режиссер Константин Данилов -Костас Марсаан, композитор – Николай Михеев, хореограф – СӨ культуратын үтүөлээх үлэһитэ, тыйаатыр уус-уран салайааччыта – Светлана Бессонова, худуоһунньук – Екатерина Шапошникова.

Тыйаатырбыт материальнай базата тупсарыгар анаан СӨ Государственнай Мунньаҕын ИЛ ТҮМЭНин депутаттара Перфильев Евгений Андреевич, Виктор Николаевич  Федоров, Ньургустаана Федорова өйөөннөр 5 943 748 солк. үп көрүллэн оркестрга анаан звукостудия оборудованиета, столярнай станоктар, иистэнэр массыналар, балетнай саалаҕа линолеум, компьютернай техника, артыыстарга, үлэһиттэргэ анаан үлэлииллэригэр мебель ылыллара былааннанар.

Үҥкүү тыйаатыра күүтүүлээх көрөөччүлэрин саҥа, сонун үлэлэрин таһаарарыгар күүтэр. Эдэр, талааннаах артыыстар айымньылаах үлэлэрин кэлэн көрүҥ, сэргээҥ!

 

Бэчээккэ анаан матырыйаалы бэлэмнээтэ
СР култууратын туйгуна Уйдара Яковлева