Геннадий Баишев – Саха үҥкүүтүн сулуһа

Геннадий Баишев – Саха үҥкүүтүн сулуһа

Саха государственнай үҥкүүтүн ансаамбылын төрүттээччитинэн, Сергей Афанасьевич Зверев-Кыыл Уола аатынан үҥкүү тыйаатырын уус-уран салайааччытынан Саха норуодунай артыыһа, Россия Федерациятын искусствотын үтүөлээх деятеля Геннадий Семенович Баишев буолар.

Кини Саха норуотун профессиональнай үҥкүүтэ сайдыытыгар киллэрбит кылаата сүҥкэн улахан. Ол курдук 55 сыл устата айар үлэтэ киэҥ эйгэҕэ тахсан дьон-сэргэ биһирэбилин, билиниитин ылбыта. Саха композитордарын кытта ыкса айымньылаахтык үлэлээн, сүрдээх элбэх интириэһинэй испиктээкиллэри, үҥкүү нүөмэрдэрин, айар киэһэлэри, кэнсиэртэри иилээн-саҕалаан, айан, туруоран таһаарбыта. Билигин кини айымньылара театр көмүс фондатыгар киирэн күн бугуҥҥээҥҥэ дылы көрдөрүллэ тураллар. Мин Геннадий Семеновиһы кытта бииргэ алтыһан 40-ча сыл устата үлэлээн кэллим. Ансаамбылга үҥкүүлээн, кэлин театр салайааччытыгар тиийэ үүнэн-сайдан сылдьарбыттан киниэхэ махталым улахан, бэйэбин дьоллооҕунан ааҕынабын.

Геннадий Семенович киһи быһыытынан көнө, эйэҕэс майгылаах, айар куттаах буолан өрүү саҥата суох толкуйдуу, саҥаны айа-тута сылдьааччы.

Геннадий Семеновиһы өрөгөйдөөх үбүлүөйүнэн итиитик-истинник эҕэрдэлиибин! Баҕарабын киниэхэ туйгун чэгиэн-чэбдик доруобуйаны, дьиэ кэргэнигэр, тус бэйэтин олоҕор уһун дьоллоох олоҕу. Театр коллективын кытта өрүү билсэ-көрсө, сүбэ-ама биэрэ сылдьа турарыгар баҕарабын.

А.И.Алексеев

С.А.Зверев-Кыыл Уола аатынан СӨ Үҥкүүтүн тыйаатырын дириэктэрэ

Арассыыйа уона СӨ култууратын үтүөлээх үлэһитэ

АБ театральнай диэйэтэллэрин Сойууһун чилиэнэ

Горнай улууһун бочуоттаах олоҕо