Өйдөбүнньүк мэҥэ таас Саха Өрөспүүбүлүкэтин народнай артыыскатыгар Раиса Захароваҕа

Бүгүн, бэс ыйын 11 күнүгэр 2015 с., сарсыарда 11 чааска, Сергей Зверев-Кыыл Уола аатынан Үҥкүү театра көҕүлээһининэн биһиги бары сөбүлүүр, ытыктыыр, убаастыыр ырыаһыппыт, СӨ народнай артыыската Раиса Захарова көмүс уҥуоҕар өйдөбүнньүк мэҥэ таас арыллыыта буолла. Кыттыыны ыллылар Саха Өрөспүүбүлүкэтин культураҕа уонна духуобунаска сайдыытын министрин солбуйааччыта В.В.Левочкин, Үҥкүү театрын директора А.И.Алексеев, Горнай улууһун культураҕа управлениетын начальнига Т.Н.Кесарева, журналист Георгий Белоусов, Раиса Яковлевна биир дойдулаахтара, оскуолаҕа бииргэ үөрэммит үөлээннээхтэрэ, доҕотторо, дьүөгэлэрэ Т.И.Березина, А.И.Бандерова, А.А.Алексеев уо.д.а.

Уонна Иван Гаврильевич Захаров – кэргэнэ, кыргыттара Анна, Рая, сиэннэрэ. Раиса Яковлевна бииргэ төрөөбүттэрэ Роза уонна Михаил. Кинини кытта бииргэ үлэлээбит Россия уонна СӨ утүөлээх артыыһа Дмитрий Артемьев.

Раиса Яковлевнаҕа анаан олус итии-истиҥ, ахтыы санаалар этилиннилэр. Уонна Раиса Яковлевна сүдү талааныгар сүгүрүйэн туран кини сырдык аатын үйэтитиигэ, кини аатынан ырыа күрэҕин тэрийэн ыытыы, Солоҕоҥҥо кини төрөөбүт дойдутугар Раиса Яковлевна аатынан Духуобунас киинэ тутуутун ыытарга. Дьокуускай куоракка Карл Маркс аатынан сквергэ Саха сирин народнай артыыстарыгар анаан ыскамыайкалаах аллея оҥорорго Татьяна Березина этиилэри киллэрдэ. Георгий Белоусов Раиса Яковлевна туһунан киинэ бэлэмнии сылдьарын эттэ. Бу өйдөбунньүк мэҥэ тааһы оҥордо, ааптар Россия худуоһунньуктарын Союһун чилиэнэ, СӨ искусствотын үтүөлээх деятелэ, монументалист — скульптор Е.П.Оготоев. Манна үгүс этиилэр — маастар олус да үчүгэйдик табан оҥорбутун бэлиэтээтилэр. Театр коллектива улахан махталын Егор Петровичка тиэрдэр.


Пресс-центр театра танца




Категории: Новости · Метки:

PersonalTrainerCertification.us